لمنع العنوسه اضغطي هنا

السلام عليكم ورحمة الله وبركاته

احم ادري كل واحده فيكم الحين داخله عشان العنوان


عموما انا عندي خطه 4/3/3
طبعا هذي الخطه هجوميه بحته يابنات



مممممممممم طبعا كل واحده الحين جالسه في بيتهم وتعدى عمرها الف سنه وراح عليها قطار الزواج تبي تعرف وش الحل

وانا اقول لكل بنات المنتدى ترى الحل عندي وانا اخوكم





دون اللجوء الى الأساليب السقيمه من
المغازلات
والترقيم
والتلميح الي ماله سنع
والترزز بالأسواق..... الخ



أهم شي نشني على العجوز الي حاطه عينك على ولدها ثم نفذي مايلي :

طبعا هذي اهي الخطوه الاولى

1\ خليكي مع أمك ولا تروحين مع البنات وتتهيبلين أصبري عنهم كم شهر لين تتم العمليه ...



2\ أمشي وأنتي حاطه راسك بين كتوفك ولا ترفعينه أبد حتى لو عورك خلي الفكس دائما في متناول يدك ...



3\ كلمة خاله خليها دايما على لسانك خاصة أم المعرس عشان تحس بنوع من التمييز عن باقي العجايز ...



<<< ملاحظه : لا مانع من منادة اي عجوز ثانيه ياخاله عشان إذا مانجحت الخطه نمبر ون تنجح مع نمبر تو الأحتياط واجب وأنا أخوك ...

4\ إذا بدت أمك تتكلم أنغزيها بكوعك عشان تدخلك في السافله حتى لو مالك داعي تطبيقا للمثل القائل كثر الدق يفك اللحام

<<< داري المثل ماله داعي بس مالقيت غيرة ...



5\ أخوانك الصغار لاحقيهم وطامري معهم وين مايروحون حتى لو ماهي عادتك بس تصرفي معهم كأنك أمهم عشان العجوز تأخذ فكرة إنك حريصه على ذريتك ...



6\ كل ما أكلت أمك من أكله زينه خليها تقول نفس الأكله الي تسويها بنتي
<<< حتى لو كان الأكل من مطعم صيني او مكسيكي ...



7\ إذا جيتي تمدين ايدك توجعي وخلي امك تقول قايلت لك وانا أمك ماله داعي تنظفين جدران البيت الخارجية
<<< أقول نظفي غرفتك أول الي تقولين ثايرة فيها قنبلة ذرية ...



8\ إذا تكلمو الحريم عن العرس أكتمي نفسك لين تحمر خدودك عشان يقولون البنت تستحي ومالنا حق نتكلم عندها
<<< بس لاتكتمين نفسك مرة أخاف تروحين فيها وأصير قتلت نفس بغير حق ...



9\ مهما كان موضوع الحوار حماس لا تبدين رايك خليك مثل البكما لأن اللقافه تجيب أجل الخطه ...



10\ شعرك أفرديه لا تخلينه طاير ولا تجعدينه مهما كانت الموضه لأن العجايز مايدورون الا الي شعورهم ناعمه ...



11\ إذا أدلت العجوز ام المعرس المتوهق بأي راي وافقي عليه حتى لو ماله داعي او ماسخ ...



<<< مثال : تقول العجوز بوش متقهوي عندنا البارح قولي لها وليه ماعلمتينا ياخاله نجي نساعدكم ..

12\ في العرس أضغطي على نفسك واقضبي ارضك ولاترقصين واعتبري الرقص عيب وشق جيب ...



13\ إذا جا طاري السوق هو لازم يجي لانه ملح الجلسه عند الحريم خلي امك تقول بناتي مايرحون للسوق ابوهم يجيب أغراضهم



(معلييييش هاذي جد قويه )...


"

"

"

الحين العجوز وقعت في الفخ ....

و الله يعين المسكين الي بيتورط فيك